DAVAO CITY – Plano karon sa lokal nga panggamhanan nga mamahimong labing una nga “smartest ug safest city” sa nasod pinaagi sa pag-upgrade sa Intelligent Transport Management System (ITMS) ug Intelligent Operation Center (IOC).
Sumala pa kang Rowena Dominguez-Narajos, Smart City Officer, nga ang pag-upgrade sa ITMS ug IOC mamahimong dalan sa systematic ug technology driven traffic, safety ug security monitoring ingon man management sa dakbayan.
Gitataw sab sa nahisgutan nga ang pagpatuman sa High Priority Bus System (HPBS) usa ka pamaagi aron nga i-upgrade sab ang traffic signalization ug traffic management center.
Gikanayong ang dakbayan sa Davao matawag na nga “smart City” gumikan sa katukoran sa PSSCC.
Apan gikanayon ni Narajos, nga laraw karon sa dakbayan nga mamahimong smartest ug safest city sa tabang sa mga bag-ong teknolohiya.
Gipasabot sab sa nahisgutan nga ang smart city sama sa makita sa mga pelikula diin adunay dakong papel ang mga teknolohiya sa pagdumala sa usa ka siyudad.
