Mitanyag og pag-atubang sa pagdinig si kanhing Senador Antonio Trillanes IV kon imbitahon siya ni Sen. Rodante Marcoleta may kalabutan sa kontrobersiyal nga tangkang pag-aresto kang Sen. Ronald “Bato” dela Rosa niadtong Mayo 11.
Giingon ni Trillanes nga wala siyay kahadlok kon ipatawag siya sa Senado ug andam siyang motubag sa mga pangutana nga may kalabutan sa maong isyu.
Gibarugan usab sa kanhing senador nga maong anaa siya sa Senado ug adunay kopya sa warrant of arrest gikan sa International Criminal Court (ICC) tungod kay gihagit siya ni Sen. dela Rosa nga arestuhon siya.
Dugang pa niini, giangkon ni Trillanes nga adunay siya’y impormasyon kabahin sa giingong lokasyon ni Sen. dela Rosa, apan kinahanglan pa kuno kini niyang mapamatud-an o ma-validate.
Nahinumduman nga gipangita sa mga otoridad si Sen. dela Rosa human migawas ang warrant of arrest batok kaniya gikan sa ICC may kalabutan sa alegasyong crimes against humanity nga may kalabotan sa kampanya batok sa iligal nga droga atol sa administrasyon ni kanhing Pangulong Rodrigo Duterte.
