Chemical treatment facility sa Longview, Washington, nahugno, 1 patay 9 angol

Patay ang usa ka tawo samtang siyam pa ang nasamdan human sa pagdahili sa dakong bahin sa chemical treatment facility sa Longview, Washington.

Lakip sa mga nasamdan ang walo ka mga empleyado ug usa ka bombero.

Base sa inisyal nga impormasyon, kalit lang nga naguba ang tangke nga adunay chemical mixture sulod sa Nippon Dynawave Packaging Co. facility sa Longview, Washington.

Giklaro sa mga opisyal nga wala’y hulga sa panglawas sa publiko ang nahitabong insidente.

Ang maong tangke adunay kapasidad nga magkarga og 80,000 gallons diin mga 60 porsyento ang sulod niini sa dihang nahitabo ang aksidente.

Paspas usab nga napalong sa mga awtoridad ang dakong sunog nga nahitabo sa maong planta.