Giakusahan ni Senate President Alan Peter Cayetanonga gihadlok kuno ang pipila ka miyembro sa Senate Majority gikan sa administrasyon Marcos aron mapugos nga mobalhin sa minority ug makabuo og bag-ong liderato sa Senado.
Sumala sa usa ka live stream post ni Cayetano niadtong Biyernes, Mayo 29, ipagawas sa mga senador ang mga ebidensiya sa kuno’y pagpanghulga aron mapugos og buo og usa ka ‘independent Senate.’
Wala kaming problema kung sa korte ay patunayan na sila ay guilty o hindi. Ang problema po namin yung gagamitin yung threat na pag lumipat ka dito, wala ka nang kaso. ‘Pag diyan ka, tutuluyan ka namin,” sumala ni Cayetano.
Segun pa niya, aduna’y mga alegasyon kuno nga ginapugos ang pipila ka mga magbabalaod nga mubalhin og grupo kambyo sa sa dili pagpasaka og kaso, samtang ang mga dili mobalhin kay pasakahan.
“Paulit-ulit sinasabing magulo ang Senate— hindi po. In this administration since 2022, it’s the first time po na nagkaroon ng majority at Senate president… na wala pong kamay ang Malacañang sa pagpili ng Senate president at ng mga komite,” dugang pa ni SP Cayetano.
Samtang, gikan sa Tokyo, gitubag ni Pangulong Ferdinand Marcos Jr. ang mga pahayag ni Senador Rodante Marcoleta nga kasamtangang Senate leadership lang ang walay basbas ng Malacañang.
“Malacañang does not give a rubber stamp to the Senate President. The Senate President is decided by the senators themselves,” tubag sa Pangulo.
“Is he implying that somehow I choose the Senate President? Ask me as a former senator, and I will laugh in your face,” dugang pa niya.
Taliwala sa kontroberiya sa Senado, pipila ka miyembro sa majority bloc ang nag-atubang sa mga kasong kriminal. Lakip na niini si Sen. Jinggoy Estrada nga gikasuhan og plunder ug graft kalabot sa kuno’y P573 million nga anomalya sa insertions ug kickbacks. Naka piyansa ang maong senador og P90,000 alang sa kasong graft.
Sumala sa Office of the Ombudsman, sunod nga kasuhan si acting minority leader Joel Villanueva sa korte, samtang ang mga reklamong plunder sab ang gina-atubang nila Sen. Francis Escudero ug Rodante Marcoleta. Hugot nga gipanglimod kini sa mga senador ang mga maong akusasyon.
