DAVAO CITY – Mihatag og katin-awan ang lokal nga panggamhanan sa Mati City nga ang kamatayon sa siyam ka mga baboy nga nahimutang sa coastal barangay ang dili sumala pa hinungdan sa African Swine Fever (ASF) infection.
Sumala pa kang City of Mati Veterinarian Services Office head Dr. Marites Erispe nga ang mga sample nga gikuha sa mga baboy sa Barangay Lanca, Luban, ug Cabuaya ang wala na gipailalom sa eksaminasyon sa Regional Animal Disease Diagnostic Laboratory nga nakabase sa General Santos City kini tungod namatikdan nga dili susama ang sintomas niini sa mga baboy nga naapektohan sa ASF.
Inay nga ASF testing, ang mga sample gipailalom sa Classical Swine Fever test nga nagnegatibo sab ang resulta.
Kahinumduman nga hugtanon ang gihimong pagmonitor karon sa City of Mati LGU sa tulo ka mga coastal barangay kini tungod sa posibilidad nga adunay ipayuhot nga karne pasulod sa Davao Occidental nga mo-agi sa baybayon gikan sa mga lugar sa Davao region nga apektado sa ASF.
Nagpahigayon na sab sila karon ug Quarantine checkpoints sa mga pasulod ug paggawas sa Davao Oriental ingon man sa siyudad sa Mati.
