Nanguna ang Barangay Bucana sa listahan sa mga barangay sa Davao City nga giplanohang makadawat sa pinakadakong National Tax Allotment (NTA) sa 2027, nga mokabat sa ₱118.49 milyon, base sa datos sa Department of Budget and Management-Centralized Open Monitoring Platform for Appropriations and Spending Statistics (DBM-COMPASS).
Misunod ang Buhangin nga adunay ₱101.47 milyon, samtang ikatulo ang Talomo nga gialokaran og ₱93.67 milyon. Naa sa ikaupat nga ranggo ang Ma-a, nga adunay ₱88.36 milyon, gisundan sa Sasa nga makadawat og ₱76 milyon.
Kompleto sa top 10 ang Tibungco nga adunay ₱72.89 milyon, Cabantian nga ₱70.58 milyon, Catalunan Grande nga ₱62.30 milyon, Panacan nga ₱61.37 milyon ug Matina Crossing nga ₱58.02 milyon.
Lakip sa sunod nga lima ang Matina Aplaya nga gialokaran og ₱49.29 milyon, Barangay 19-B nga ₱48.32 milyon, Catalunan Pequeño nga ₱43.60 milyon, Indangan nga ₱39.52 milyon ug Ilang nga ₱38.78 milyon.
Misunod ang Tugbok sa ika-16 nga ranggo nga adunay ₱37.74 milyon, samtang ang Calinan gialokaran og ₱37.10 milyon. Naa sa ika-18 nga puwesto ang Lizada nga adunay ₱36.99 milyon, gisundan sa Tiaqatto nga ₱35.97 milyon ug Bunawan nga ₱34.77 milyon.
Base sa listahan, Bucana ra ang milapas sa ₱110 milyon, samtang ang Buhangin maoy ikaduhang barangay nga milapas sa ₱100 milyon. Ang mga kantidad mao ang giplanong alokasyon alang sa 2027.
