DAVAO CITY – Mihatag ug katin-awan ang Police Regional Office (PRO) Davao Region spokesperson Police Major Jason Baria nga wala sumala pay kalabotan sa money investment schemes ang pagpusil kang Terencio Bacarisas Cañizares, 37-anyos, company driver ug residente sa Pangantungan, Bukidnon, bag-ohay lamang sa Pioneer Avenue Highway, duol sa Mankilam Elementary School.
Sumala kang Baria, nga subay sa nahipos nga impormasyon nagmaneho lamang sa iyang motorsiklo ang biktima dihang kalit nga mibutho ang suspek ug kalit kini nga gipusil.
Hinuon dali nga nadala sa balay tambalanan ang biktima human nga nakapangayo gilayon kini ug tabang samtang ang suspek paspas sab nga misibat a sa wala matino nga direksiyon.
Gitataw sab sa opisyal nga dili sab tungod sa investment scam ang pagpusil sa 21-anyos nga anak sa agent sa PLC company kini tungod hangtud karon wala pa gihapon mipatim-aw ang inahan niini human ang maong insidente.
Sa kasamtangan, nagpadayon sumala pa ang pagtutok sa kapulisan kalabot sa sunod-sunod nga insidente sa pagpamusil sa lugar ug padayon pa nila nga gisubay kung si kinsa ang mga suspek sa insidente. Daghanan ang nagtuo nga adunay kalabotan sa investment scheme ang nahitabo sa Tagum kini tungod sa pagtuo sa kadaghanan nga gipansibat sa gikanayong mga agent ang kwarta sa mga investors.
