Gikuwuestiyon ni Senador Raffy Tulfo ang Professional Regulation Commission o PRC kabahin sa giingong kalangan sa paglihok sa kaso sa usa ka plastic surgeon nga gilangkit sa pagkamatay sa duha ka pasyente, ingon man sa alegasyon sa leakage sa board examinations.
Atol sa Senate budget hearing, gipangutana ni Tulfo kung nganong wala pa mabawi ang lisensya sa maong surgeon nga giingong nalambigit sa pagkamatay sa mga pasyente kaniadtong 2017 ug 2026. Mipasangil usab siya og korapsyon sa PRC kalabot sa pagdumala sa kaso.
Matud sa PRC, na-file na kaniadtong 2021 ang kaso alang sa insidente niadtong 2017, samtang maghimo usab kini og motu proprio investigation sa mas bag-ong kaso.
Samtang, misaad si DOLE Secretary Francis Tolentino nga ilang inspeksyunon ang clinic sa maong surgeon.
Kung mapamatud-ang adunay paglapas sa Article 128 sa Labor Code, mahimong ipasira ang maong establisemento, pagbawi sa lisensya, ug pagka-priso.
