Nakakuha og gibanabanang 5.6 milyon ka US dollars nga media mileage si Global Fashion Icon Heart Evangelista human sa iyang pag-apil sa New York Fashion Week Spring/Summer 2027.
Nabutang si Heart sa ikaduhang pwesto sa NYFW SS27 Influencer Ranking sa influencer marketing platform nga Lefty, human makatambong sa pito ka fashion shows atol sa maong event.
Misunod kang Heart sa ranggo ang Thai influencer nga si Thanachok Siriwiraphan, Thai actress nga si Lingling Kwong ug Blackpink member nga si Jisoo.
Nagpadayon usab ang international fashion engagements ni Heart human niya manguna sa celebrity rankings sa Paris Haute Couture Week niadtong Hulyo.
Nakakuha siya og 7.5 milyon ka US dollars nga Media Impact Value o MIV, base sa datos sa fashion analytics firm nga Launchmetrics.
Gigamit sa fashion industry ang MIV isip sukdanan sa kantidad sa exposure ug media impact nga nahatag sa usa ka brand o personalidad sa nagkadaiyang digital platforms.
Nalusotan ni Heart ang ubang dagkong fashion brands ug publications sa media impact rankings, lakip ang Dior, Sayidaty ug Gala FR.
Karon, nagpadayon si Heart sa iyang fashion engagements sa Milan Fashion Week human sa iyang New York Fashion Week appearance.
