Gipalig-on sa gobyerno ang mga pagpangandam batok sa posibleng epekto sa “Super El Niño,” ilabina sa kakulangon sa tubig ug grabeng hulaw.
Sumala kang Malacañang Press Officer Undersecretary Claire Castro, nagtapok kaniadtong Mayo 25 ang mga concerned agencies aron hisgutan ang mga lakang alang sa maong weather phenomenon.
Lakip sa mga giandam sa National Irrigation Administration ang paggamit sa groundwater maps, maintenance ug rehabilitation sa solar-powered pump irrigation systems, ingon man ang pagdeploy og mobile solar pumps sa mga drought-prone ug water-stressed areas.
Samtang, nag-andam ang DENR alang sa water security, pagpugong sa forest fires ug energy conservation, samtang gisusi sa Department of Agriculture ang irrigation systems ug mga drought-resistant crops.
Naa usab ang financial assistance alang sa mga mag-uuma ug mangingisda, samtang ang Department of Energy nag-andam sa posibleng power interruptions.
Alang sa panglawas, ipatuman ang hydration, cooling measures ug health monitoring, ilabina alang sa mga vulnerable groups.
Sa kasamtangan, gituki usab sa Malacañang ug Department of Budget and Management ang posibilidad sa pagdugang sa pondo alang sa mga lakang batok sa epekto sa El Niño.
