Gipahinumdom sa Malacañang ang mga alkalde nga kinahanglan silang magmatngon sa mga kontrata ug transaksyon nga gihimo sa ilang lokal nga pangagamhanan, human sa testimonya ni Davao City Mayor Sebastian “Baste” Duterte kabahin sa mga deal sa GenCorp.
Sumala kang Palace Press Officer Atty. Claire Castro, dili sila mohukom sa pahayag ni Baste atol sa impeachment trial, apan dili usab angay nga walay kahibalo o walay pagtagad ang usa ka lider sa mga transaksyon nga sakop sa iyang katungdanan.
Matud pa ni Castro, mas masabtan kung dili dayon mamatikdan sa usa ka lider ang usa ka transaksyon sa unang bahin sa iyang termino.
Apan kung balik-balik na ang pakigsabot sa gobyerno sa usa ka kompanya sulod sa taas nga panahon ug wala gihapon kini mamatikdi, angay na kining susihon ug pangutan-on.
Sa impeachment trial, nagikanayon si Baste nga adunayb 19 ka kontrata ang na-award sa Davao City Government ngadto sa GenCorp, samtang iyang giila ang iyang responsibilidad isip Head of the Procuring Entity sa lungsod.
