Gikatakdang magsumite og tubag ang kampo ni kanhi House Speaker o Leyte Representative Martin Romualdez pagka Lunes, Septiyembre 28, 2026 subay sa mando sa Sandiganbayan nga naghangyo kaniya sa pagpasabot kon nganong dili siya angay ipailalom sa preventive suspension isip magbabalaod.
Matod sa iyang abogado nga si Atty. Ade Fajardo, Lunes ang deadline sa pagsumite sa mga komento ngadto sa Third Division sa Sandiganbayan.
Kaniadtong Septiyembre 16, gihatagan ni Associate Justice Karl Miranda si Romualdez og 10 ka adlaw aron ipasabot kung nganong dili siya angay ipailalom sa preventive suspension.
Si Romualdez, nag atubang og kasong plunder nga naglambigit sa giingong mga kickback nga mokabat sa ₱7.44 bilyones gikan sa mga kontraktor ug uban pang partido nga adunay interes sa mga flood control projects ug imprastraktura.
Kahinumdoman usab nga gipagawas ang warrant of arrest batok kang Romualdez, kanhi Ako Bicol Representative Zaldy Co, ug duha pa ka tawo kaniadtong Septiyembre 7, 2026.
Sa pagka karun,detinado si Romualdez sa New Quezon City Jail-Male Dormitory ug una nang mideklarar nga dili siya sad-an sa maong kaso.
