Giimbitar ni Chinese President Xi Jinping si US President Donald Trump nga mobisita sa China human sa tulo ka adlaw nga state visit ni Xi sa Estados Unidos.
Pagpasigarbo usab ni Trump nga malampuson ang ilang pakig pulong, diin lakip sa ilang gihisgutan ang importansya sa Artificial Intellegence ug ang pagpangita og pamaagi sa paghunong sa gubat sa Iran.
Matud pa ni Trump, nalipay usab ang mga mag-uuma sa Estados Unidos sa pagbisita ni Xi, apan wala na niya gipatin-aw ang dugang detalye kabahin niini.
Samtang, gidawat sa US President ang imbitasyon ni Xi nga mobisita sa China.
Adunay usab posibilidad nga magkita ang duha ka lider sa nahibiling mga bulan sa tuig, ilabi na sa mga umaabot nga international summit.
Lakip niini ang Asia-Pacific Economic Cooperation o APEC meetings nga ipahigayon sa China ug ang G20 summit nga ipahigayon sa Estados Unidos.
