Gibasura sa Korte Suprema ang petisyon nila Atty. Vic Rodriguez, Berteni Cataluña Causing ug Atty. Ernesto Francisco Jr. nga nagkuwestiyon sa bag-ong voting threshold sa Senate Impeachment Court.
Gipanghimakak sa mga petitioner ang interpretasyon sa Senado sa gikinahanglang two-thirds vote aron ma-convict ang usa ka respondent sa impeachment case.
Kahinumdoman, kaniadtong Septiyembre 23,2026 nagkauyon ang Senado nga ang mga senador lamang nga legal ug aktuwal nga makahimo sa pag-apil sa mga pagdungog ang mahimong mobotar.
Samtang, giangayo nila Rodriguez ug Francisco nga kanselahon ang maong interpretasyon, samtang giinsistir ni Causing nga kinahanglan gihapon maapil sa pag-ihap ang ubang senador bisan pa og wala makatambong tungod sa pagtago, pagkadetine o medikal nga panginahanglan.
Apan, wala na gisulod sa Korte Suprema ang unod sa ilang mga argumento ug gibasura ang mga petisyon tungod sa kakulang sa legal standing ug kay premature pa ang mga kaso.
