DAVAO CITY – Nagpadayon karon ang monitoring sa Office of the Civil Defense (OCD) 11 ngadto sa mga nabiktima sa kusog nga pagtay-og sa Davao region ilabi na kadtong mga dapit nga nakaangkon ug grabe nga kadaut.
Una ng gibutyag ni Manuel Luis Ochotorena, regional director sa OCD-11, nga padayon sumala pa karon nga gisubay sa ilang damage assessment and needs analysis teams ang panginahanglanon sa mga residente nga apektado sa milabay nga kalamidad partikular na sa mga lugar sa Bansalan, Matanao ug Magsaysay sa Davao del Sur.
Samtang nanawagan sab ang opisyal ngadto sa mga LGUs nga apektado sa linog nga ikontrola ang pagpanghatag ug relief goods ilabi na nga padayon sab karon nga nakadawat ang mga nahisgutan ug hinabang gikan sa mga nagkadaiyang grupo ug pribadong sektor.
Laraw niini nga aduna pay mahatag sa mga biktima sa umaabot pa nga panahon.
