Nasiplatan ang usa ka juvenile Philippine eagle sa Panigan-Tamugan Subwatershed sa Davao City atol sa habitat assessment nga gihimo gikan Mayo 5 hangtod 8, 2026.
Matod sa Department of Environment and Natural Resources Region XI o DENR-11, nakita ang agila sa tibuok monitoring activity ug kini adunay tag nga gikan sa Philippine Eagle Foundation aron mamonitor ang lihok ug flight paths niini.
Sumala sa mga otoridad, adunay mga naunang sightings sa Philippine eagle sa maong lugar niadtong 2024 ug 2025.
Sumala pa sa DENR-11 nga kini ang nagpakita sa padayon nga suporta sa usa ka proposal sa maong lugar isip usa ka critical habitat alang sa mga Critically Endangered species.
Ang gisugyot nga conservation area molangkob og dul-an 2,964 ka ektarya ug gilangkuban sa dagkong kalasangan nga puy-anan sa nagkalain-laing wildlife ug sa komunidad sa Obu-Manuvu tribe.
