Gipaklaro sa Department of Justice o DOJ nga mahimong itugyan sa Philippines ang usa ka suspek o nadakpan nga indibidwal ngadto sa usa ka international court o tribunal subay sa Republic Act 9851.
Matod kang DOJ spokesperson nga si Atty.Polo Martinez, nagpabilin ang “same position” sa ahensya nga walay balaod nga nagdili sa pagpakiglambigit sa gobyerno ngadto sa International Criminal Court o ICC samtang gihulat pa ang desisyon sa Supreme Court of the Philippines.
Gipasabot usab ni Martinez nga gawas sa posibleng “surrender” ngadto sa usa ka angay nga international court o tribunal, mahimo usab nga moagi sa proseso sa extradition ang ingon ani nga mga kaso.
Una nang gibutyag ni NBI Dir. Atty. Melvin Matibag nga mokonsulta ang National Bureau of Investigation sa DOJ kalabot sa posibleng implementasyon sa usa ka ICC warrant.
