Mipanaw na si Brandon Clarke, usa ka forward sa Memphis Grizzlies, sumala sa gipahibalo sa team, sa iyang agency, ug sa National Basketball Association.
Nasayran nga nag-edad si Clarke og 29 anyos. Wala na mohatag og detalye ang Grizzlies ug ang iyang agency nga Priority Sports niadtong Martes kung kanus-a ug paunsa nakabsan sa kinabuhi si Clarke.
Daghan usab ang nagpadangat sa ilahang social media sa hilabihan nga kasub-anan tungod sa iyang pagkamatay.
Kahinumduman nga si Clarke gidakop niadtong Abril 1 sa Arkansas tungod sa overspeeding ug paghupot og controlled substance, ug gibuhian usab kini human makapiansa pagkasunod adlaw.
Siya ang ika-21 overall pick gikan sa Gonzaga University sa 2019 NBA Draft pinaagi sa Oklahoma City Thunder.
Napili si Clarke sa NBA All-Rookie Team niadtong 2020, apan naapektuhan sa sunod-sunod nga injuries nga nakapadula lang kaniya og 72 sa 246 ka dula sulod sa miaging tulo ka seasons.
