Gipahibalo sa Partido Demokratiko Pilipino (PDP) nga dili kini mosuporta o motugot nga modagan ubos sa ilang partido ang mga politiko nga mosuporta sa impeachment case batok kang Bise Presidente Sara Duterte.
Sa pamayag sa partido nga dili mahimong modawat sa PDP ang mga moboto pabor sa impeachment ug posible nga ma-blacklist ang mga moboto pabor niini, ug mahimo usab nga suportahan sa PDP ang ilahang kaatbang nga mga kandidato.
Dugang pa, kondili usa ka isyu sa “political accountability” batok sa ilang giingong “politically driven impeachment” batok sa Bise Presidente.
Samtang, gibutyag ni Bise Presidente Sara Duterte nga siya usa na ka “presumptive candidate” alang sa 2028 presidential elections human niya ipahibalo ang plano sa pagdagan.
Gikatakda usab nga botohan sa plenaryo sa Kamara ang Articles of Impeachment batok sa Bise Presidente karong Lunes, Mayo 11.
