Biyahe paingon sa China karong adlawa si US Pres. Donald Trump aron motambong sa gipaabot nga superpower summit.
Kini ang unang higayon sulod sa hapit usa ka dekada nga mobisita ang usa ka Presidente sa Amerika sa maong nasod, human malanagan ang iyang biyahe tungod sa nagpadayon nga giyera sa Iran.
Gilauman ni Trump ang taas nga pakigdayalogo uban sa iyang counterpart nga si Chinese Pres. Xi Jinping.
Nag-unang hisgutan sa ilang panagtagbo ang krisis sa Iran, nga sa pagkakaron nagsalig sa China isip nag-unang customer sa ilang lana bisan pa sa gipahamtang nga sanctions sa Amerika.
Subay sa mga report, lakip usab sa agenda nila Trump ug Xi ang gikatakdang pagbaligya sa armas sa Amerika ngadto sa Taiwan, ang mga isyu kabahin sa “self-governing democracy” claim sa China, ug ang kontrol sa China sa rare earth exports ug tensyon sa trade relationships sa duha ka nasod.
Kauban sa Presidente sa iyang delegasyon ang dakong grupo sa mga top U.S. business executives, lakip ang mga iladong tycoons nga sila Elon Musk ug Tim Cook, base sa impormasyon gikan sa White House.
