Nakigduyog ang 10th Infantry (Agila) Division sa Philippine-US ribbon-cutting ug inauguration ceremony sa bag-ong nahuman nga multi-purpose hall sa Barangay Tibulao, Carmen niadtong Mayo 6, 2026.
Kabahin kini sa Engineer Civic Action Program (ENCAP) ilawom sa Humanitarian Assistance and Disaster Response (HADR) activities sa Balikatan Exercises 41-2026.
Ang pagkompleto ug turnover sa maong pasilidad nagpakita sa lig-on nga partnership tali sa Armed Forces of the Philippines ug sa United States Armed Forces sa pagtabang sa community development ug disaster preparedness.
Gilauman nga ang multi-purpose hall magsilbing importante nga venue alang sa barangay activities, emergency response operations, ug uban pang community engagements.
Kauban sa inauguration, ang PH-US troops nagpahigayon usab og humanitarian civic assistance activities lakip ang medical ug dental mission nga nakabenepisyo sa 1,253 ka residente pinaagi sa konsultasyon, paghatag og tambal ug bitamina, ug distribusyon sa 162 ka reading glasses.
Gihatagan usab og educational ug livelihood support items sama sa laptops, television sets, solar power kits, slippers, ug uban pang essential supplies ang mga eskwelahan ug residente.
Matod ni 10ID Commnader Major Gen.Alvin Luzon, importante ang maong kalihokan sa pagpalig-on sa community resilience ug international cooperation.
Gikanayon usab niini nga ang Balikatan Exercises 41-2026 dili lang military training kundili direktang nakabenepisyo sa mga Pilipino.
Padayon ang Balikatan Exercises 41-2026 sa pagpalig-on sa interoperability ug pagreaffirm sa shared commitment sa duha ka nasud alang sa humanitarian service, kalinaw, ug seguridad.
