Nagkaguliyang ang sulod sa sinehan human nga nabulabog kini tungod sa usa ka lalaki nga gitabang human nga natuk-an sa gidalang pagkaon sa usa ka sinehan sa Shandong, China.
Nasayran nga wala na makaginhawa ang wala panganli nga lalaki human kusog nga pagkatawa.
Sumala pa nga tungod sa iyang paghunat sa pagkatawa, natuk-an kini sa iyang gikaon nga popcorn.
Subay sa taho nga nalingaw ang tanan sa dihang adunay magtiayon nga duol sa lalaki ang unang nakabantay ug gitudlo sa lalaki ang iyang tutunlan nag nagpasabot nga dili kini makaginhaw.
Ang iyang asawa misulay sa paghimo sa Heimlich maneuver apan wala niya kini makaya.
Busa usa sa ilang mga kaubanan sa sinehan ang miboluntaryo sa pagbuhat ug giluwa sa lalaki ang nakabara sa iyang tutunlan nga usa ka popcorn.
Human sa maong panghitabo, gipadayon na sa mga tawo ang ilang pagtan-aw sa salida nga daw walay nahitabo.
