Gipakatap sa Department of Education Davao City Division nga mikabat sa 1,295 ka security personnel ang nakatala sa mga eskwelahan ubos sa School Safety and Security Audit Round 2 tracker gikan Agosto 10.
Matod ni DepEd Davao City spokesperson ug Chief Education Supervisor Jenielito “Dodong” Atillo, gisumite ang datos gikan sa 11 ka divisions ug component cities.
Dugang pa, narekord usab ang 1,423 ka perimeter fences, 771 ka closed-circuit television systems, 554 ka public address systems ug 512 ka metal detectors sa mga eskwelahan.
Lakip sa adunay pinakadaghang security personnel ang Davao City nga adunay 420, gisundan sa Davao del Norte nga adunay 180 ug Davao Occidental nga adunay 161.
Sumala pa sa DepEd, kabahin sa audit ang pagsuta sa kahimtang sa seguridad ug safety facilities sa mga tunghaan.
Sa pagkakaron, padayon ang pagmonitor aron mahibal-an kung asa pa kinahanglan dugangan ang personnel, equipment ug uban pang security measures aron masiguro ang kaluwasan sa mga estudyante ug school personnel. | VIA BOMBO EROS PAJOTA
