Gikuwestiyon ni Ombudsman Jesus Crispin “Boying” Remulla ang kalidad sa proyekto nga gitukod sa Department of Public Works and Highways alang sa nagkalain-laing ahensya sa gobyerno.
Matod ni Remulla, mahimong mas maayo nga ipaagi sa Public-Private Partnership o PPP ang dagko ug komplikadong proyekto aron masiguro ang kalidad ug mas paspas nga paghuman niini.
Lakip sa iyang gihisgutan ang kapin ₱9-bilyong UP-Philippine General Hospital Cancer Center nga wala matud pa makakuha og bidder, ug ang kapin ₱8-bilyong Bureau of Immigration building nga dugay nang ginatukod.
Misugyot usab si Remulla nga mahimong mopalit na lamang ang National Bureau of Investigation og existing building imbes magpatukod og bag-o.
Miuyon si DPWH Sec. Vince Dizon sa paggamit sa PPP ug miangkon nga dili usab siya kontento sa kalidad sa pipila ka proyekto sa ahensya, lakip ang Bureau of Immigration building.
