Mahimo nang makita sa publiko ang tanang dokumento nga may kalabotan sa kasamtangang impeachment trial ni Bise Presidente Sara Duterte pinaagi sa Senate website.
Matud ni Senate President Sherwin Gatchalian, kabahin kini sa lakang sa Senado alang sa abli ug klaro nga proseso sa paghusay sa kaso, ingon man sa pagpadayon sa integridad sa institusyon.
Kalabot niini, gipasalig sa Senate President nga naghatag siya og direktiba sa Senate Secretariat aron masiguro ang pagbaton og igo nga mga kapanguhaan para mapagawas sa publiko ang mga dokumento sa labing paspas ug episyenteng paagi sa dihang ipresentar na kini sa pagdungog sa kaso.
Tungod niini, mahimo nang masusi ug mapamatud-an mismo sa publiko ang mga ebidensya nga gipresentar sa pagdungog.
Sa katapusan, giawhag ni Gatchalian ang mga Pilipino nga basahon, susihon, ug sabton alang sa ilang kaugalingon ang mga proseso sa pagdungog.
Gipasabot usab niya nga bisan sila ang naglingkod isip mga senador-hukom, ang tinuod ug katapusang maghuhukom sa maong kaso mao ang publiko.
