DAVAO CITY – Nagpahimangno ang kapulisan sa publiko nga ipatuman nila ang mas istrikto nga body ug bag inspection sa higayon nga mosulod kini sa mga lugar nga adunay ipahigayon nga mga aktibidad hinungdan nga nanawagan ang otoridad sa publiko nga sabton ang ilang trabaho ug kinahanglan nga mokooperar ang mga nahisgutan.
Tipik lamang kini human nga laoman sumala pa ang daghanang aktibidad sa bulan sa Disyembre o dungan sa pag-abli sa Pasko fiesta.
Sumala pa kang Lt. Col. Oliver Gabon, Deputy commander Task Force Davao nga pipila sa ilang misyon ug objective mao ang paghatag og seguridad sa katawhan ug mapugngan ang mga terorista nga planong musabwag og kagubot karong panahon sa kapaskohan.
Samtang gibutyag sab ni Public Safety and Security Command Center (PSSCC) head Angel Sumagaysay nga gitambagan na ang mga security forces nga makiglambigit sa uban nga ahensiya sa kagamhanan.
Samtang base sa monitoring, wala sumala pay nadawat nga direktang bahad ang dakbayan batok sa mga dautan nga mga grupo.
