Gipangulohan ni Presidente Ferdinand R. Marcos Jr. ang pakigpulong kang Mr. Yohei Sasakawa, Chairman sa The Nippon Foundation ug Honorary Chairman sa Sasakawa Peace Foundation, diin iyang gipadayag ang pagpasalamat sa dugay nang suporta sa mga Pilipinong marinero, peacebuilders, ug mga programa sa panglawas.
Gisaysay sa maong mga foundation ang ilang mga inisyatibo nga naglakip sa scholarship programs sa World Maritime University, suporta sa peacebuilding pinaagi sa Asian Peacebuilders Scholarship, ug tabang sa Philippine School of Prosthetics and Orthotics.
Kini nagpakita sa padayon nga kontribusyon sa Japan sa human-centered development sa Pilipinas.
Gihisgutan usab sa maong miting ang posible nga pagpalapad sa kooperasyon sa mga bag-ong sektor sama sa critical minerals, digital innovation, artificial intelligence, ug sustainable ocean governance.
Giila niini ang hiniusang tinguha sa duha ka nasod nga mapalig-on ang regional stability ug mapauswag ang people-centered development.
