Nagpahayag si Senador Kiko Pangilinan batok sa mga pagtandi sa sitwasyon ni kanhing Senador Leila de Lima ug ni Senador Ronald dela Rosa.
Sumala kang Pangilinan, lahi ang kahimtang ni De Lima ug Dela Rosa.
Gibutyag niini nga atol sa panahon sa pandemya sa COVID-19, misurender si De Lima sa mga otoridad ug mitahod siya sa proseso sa balaod ug sa mga arresting officers.
Samtang, gibutyag ni Pangilinan nga wala nay pandemya karon ug giakusahan niya si Dela Rosa nga nagtago ug naglikay sa mga otoridad.
Gibutyag usab ni Pangilinan nga dili dapat mailad ang publiko sa sayop nga mga pagtandi ug pagpangdaot nga kuno gipakatag sa mga trolls ug mga tawo nga adunay political agenda.
Nagpahayag usab og kasubo si ML Partylist Representative Leila de Lima sa sumala pa sayop nga paggamit sa iyang kasinatian sa pagkabilanggo aron ikumpara sa kasamtangang isyu sa ubang personalidad.
Sumala kang De Lima, sayop ang mga pahayag nga wala siya magpaaresto sa Senado kaniadto.
Gikanayon niini nga malinawon siyang mitubag ug nagpadakop sa mga otoridad sulod mismo sa Senate premises ug wala siya nagtago, misibat, o naghatag og peligro sa publiko.
