Gipanghimakak sa Philippine National Police sa publiko nga walay bisan unsang special treatment nga madawat si Senador Ronald Dela Rosa may kalabotan sa mga isyu nga naglibot sa warrant of arrest nga gi-ugnay kaniya.Sumala kang PNP Chief General Jose Melencio Nartatez Jr., ang tanang lihok sa kapulisan magpabilin nga nakabase sa balaod ug mandato sa organisasyon, bisan unsa pa ang ranggo o posisyon sa tawo nga ilang atubangon.
Gipatin-aw sa PNP nga mitumaw ang ilang pahayag human sa mga pangutana sa publiko kung hingpit ba nga ipatuman ang balaod batok sa senador tungod sa iyang kanhing posisyon isip hepe sa kapulisan.Matud pa sa liderato sa PNP, ang organisasyon naglihok ubos sa legal framework ug sa ilang gipanumpaan nga katungdanan sa pagpanalipod sa publiko, nga nagpasabot nga walay indibidwal nga labaw sa balaod.
Gidugang usab sa PNP nga gi-assign ang tanang police units sa pagsunod sa standard operating procedures sa tanang operasyon nga may kalabotan sa kaso ni Dela Rosa, ug likayan ang bisan unsang preferential treatment o dili awtorisadong pagpagawas og impormasyon.Si Sen. Ronald Dela Rosa nag-atubang sa isyu nga may kalabotan sa warrant of arrest gikan sa International Criminal Court.
