DAVAO REGION- Nakauli na sa panimalay ang patayng lawas sa 13-anyos nga motorcross rider kansang nakabsan sa kinabuhi human kining matugpahan og usa ka motorsiklo sulod sa racing area niadtong milabay nga adlaw.
Ang maong menor de edad ang giilang si Arjay Gonzaga o mas ilado sa tawag nga King Cobra ng Digos.
Si Arjay ang naila isip usa ka motorcross rider,diin nagsugod kini siya sa maong matang sa sports niadtong 11-anyos pa lamang kini.
Ilado usab ang maong biktima tungod sa kahanas niini og tungod kay daghan na usab kini og competisyon ang nadaugan.
Ang maong insidente ang nahitabo atol sa usa ka Motorcross competition sa Araw ng Compotela,Davao de Oro niadtong milabay nga adlaw.
Sumala pa ni Jay Lausa Gonzaga, amahan sa biktima nga wala gayud niini damha ang gisangputan sa iyahang anak.
Pagsaysay niini nga nakakita siya mismo sa maong panghitabo ug matud pa nga niadtong tungura nagsagol gayud sa pagbansay sa maong race track ang mga dagko nga motor ug gagmay nga motor gumikan kay hapit na magsugod ang maong kompetisyon.
Pagbutyag niini nga ang nakadisgrasya sa iyahang anak mao ang unang nadisgrasya sa pikas nga lane sa race track ug inay nga sa jam molupad ang motor sa kilid o berm na kini milupad hinungdan nga milapos ang motor niini nga 450cc og milupad sa pikas lane ug mitugpa sa may tangkogo nga bahin sa mao nga bata.
Dugang pa niini nga medyo nakampante siya tungod kay mi-ingon ang doktor nga micheck sa iyahang anak nga wala matud pa kini fracture.
Pagbutyag niini nga daghan pa nga ang gibuhat nga pagcheck-up ug exam sa iyahang anak apan sa ulahi giingnan lamang kini nga kinahanglang ibalhin kini sa mas dako nga ospital.
Dugang pa niini nga og pagpakita lamang og pagka-apiki iyahang anak, iyaha na lamang matud pa kining gidala diretso sa dako nga balay tambalanan.
Saysay sa amahan niini nga wala gayud siya magtuo nga adunay ginabati ang maong bata tungod kay isog kini tan-awon.
Dugang pa niini nga disgrasya gayud ang maong nahitabo, wala kini tuyua og wala silay mabuhat apan nadawaton na lamang ang maong panghitabo.
Sumala pa nga nga mi-reach out na ang nakadisgrasya sa maong bata apan dili pa gayud kaya sa maong amahan sa bata nga makig-istorya ngadto kanila.
Sumala pa sa amahan sa biktima nga nagpasalig usab ang organizers sa maong kompetisyon nga manawag kanila og ilaha na lamang kining ginapaabot.
Ning kasamtangan ginahaya na sa ilahang panimalay sa Purok 6, Manggahan, Digos City,Davao del Sur ang patayng lawas sa mao nga biktima.
