Naa na sa katapusang hugna sa pagpangandam ang Philippine National Police (PNP) alang sa umaabot nga 49th ASEAN Summit nga ipahigayon sa Pilipinas gikan Nobyembre 16 hangtod 18, 2026.
Gipadayag ni NCRPO Spokesperson Lt. Col. Hazel Asilo sa eksklusibong pakighinabi sa Bombo Radyo nga hapit na makompleto ang pagpangandam sa ilang mga puwersa alang sa maong internasyonal nga kalihokan.
Gikumpirma nga motambong sa summit ang mga nag-unang lider sa 11 ka nasud nga sakop sa ASEAN, ubos sa pagpangulo ni Presidente Ferdinand “Bongbong” Marcos Jr.
Gilauman usab ang pag-abot sa mga lider gikan sa mga dialogue partner countries, lakip na si US President Donald Trump, ingon man ang ubang taas nga opisyal gikan sa mga kaalyadong nasud ug internasyonal nga organisasyon.
Isip kabahin sa seguridad, andam nang ideploy ang kapin 12,600 ka mga personnel sa kapulisan ngadto sa nagkalain-laing importanteng lugar ug pasilidad.
Apan, giklaro ni Asilo nga posible pang madugangan ang gidaghanon sa mga pulis depende sa panginahanglan ug sitwasyon.
Gawas sa kapulisan, mosalig usab ang pamunuan sa kooperasyon sa mga kaalyadong ahensya ug uban pang departamento sa gobyerno. Bisan wala pa matino ang kinatibuk-ang gidaghanon sa ilang mga personnel, dako usab ang ilang papel sa pagsiguro sa kalinaw ug seguridad.
May kalabotan niini, gikatakdang ipataas sa full alert status ang tibuok hanay sa kapulisan samtang nagkaduol ang petsa sa maong summit.
Tumong sa maong mga pagpangandam nga masiguro ang kaluwasan ug kahapsay sa palibot alang sa malampusong pagpahigayon sa 49th ASEAN Summit.
