Gipakatap na sa Cebu Pacific ang mga electric ground support equipment niini sa Francisco Bangoy International Airport o mas nailhang Davao International Airport aron masuportahan ang operasyon ug mapangandaman ang pagdagsa sa mga pasahero atol sa Undas 2026.
Naglangkob kini sa duha ka electric low-entry city buses ug tulo ka electric baggage tractors nga gamiton sa pagserbisyo sa mga pasahero ug pagdumala sa mga bagahe sulod sa tugpahanan.
Nailhan ang Cebu Pacific isip unang kompanya sa eroplano sa nasud nga nag-operate og electric ground support equipment sa Davao International Airport.
Samtang, mokabat na sa 50 ka electric vehicle units ang gipadagan sa maong airline company sa nagkalainlaing operasyon niini sa tibuok nasud.
Kabahin kini sa lakang sa kompanya nga mas mapalapdan ang paggamit sa mga de-koryenteng sakyanan sa operasyon sa tugpahanan.
