-- ADVERTISEMENT --
DAVAO CITY – Gibutyag sa Davao City Police Office (DCPO) nga sukad gi-ablihan ang Pasko Fiesta kaniadtong Nobyembre 22, wala pa silay natalang mga dagkong insidente.
Sumala pa kang Pol. Capt. Rose Aguilar, tigpamaba sa DCPO nga nagpatuman karon og hugtanon nga seguridad ang kapulisan sa siyudad aron nga masiguro ang kahusay ug kalinaw sa dakbayan ug mapugngan kadtong adunay mga dautan nga plano.
Samtang gipasalig ni Police Brig. General Felmore Escobal, Police Regional Office (PRO) 11 director, nga bastante ang mga sakop sa kapulisan sa Davao region aron nga ma-enjoy sa katawhan ang panahon sa kapaskohan ug mahatag ang tukmang seguridad sa palibot diin adunay ipahigayon nga mga aktibidad.
