Gipaambit sa aktres nga si Janine Gutierrez ang malipayon niyang kahimtang sa iyang relasyon uban sa award-winning actor nga si Jericho Rosales, diin iyang giingon nga nabati niya ang kalinaw sa kasingkasing, suporta, ug kalipay sa ilang panag-uban.
Sa usa ka paghinabi, gihulagway ni Janine ang ilang relasyon isip simple ug komportable, ug kasagaran sila maggahin og panahon alang sa hilom apan makahuluganon nga bonding bisan sa ilang ka-busy sa trabaho.
Gibutyag usab sa aktres nga sa ilang pahulay sa lock-in shooting sa Iloilo, mas pilion nila ang mag-drive, mobisita sa mga simbahan ug museo, ug mokaon samtang nag-istoryahanay lang.
Sumala pa ni Janine, dako kaayo’g papel ang pagka-supportive ni Jericho, ilabi na sa iyang trabaho ug personal nga mga kalampusan, lakip na ang pagkahimong “Sexiest Woman Alive” nga titulo gikan sa usa ka magazine.
Dugang pa niya, suod na usab si Jericho sa iyang pamilya ug dako kini og tabang ilabi na sa panahon sa ilang pagbangotan tungod sa personal nga mga pagkawala.
Gipaambit usab sa aktres nga bisan sa wala pa niya mailhi si Jericho, gisulat na niya ang mga kalidad sa ideal nga partner nga iyang gipangandoy, ug matod pa niya, nakit-an niya kining tanan sa aktor.
