Gikondina ni Giorgia Meloni ang mga pahayag ni Donald Trump batok kang Pope Leo XIV, ug giingon nga kini “unacceptable,” samtang mitaas ang tensyon tali sa White House ug Vatican City.Sa iyang pahayag, gipasiugda ni Meloni nga dili angay himuong target sa batikos ang Santo Papa, nga aniya nagrepresentar sa espiritwal nga lider sa Simbahang Katolika ug kanunay nanawagan alang sa kalinaw ug paglikay sa gubat.
Dugang pa niya, “normal” ra nga ang Pope magpahayag og mensahe para sa kalinaw sa kalibutan.Sumala sa mga report, miresulta ang kontrobersiya human gisaway ni Trump si Pope Leo XIV sa social media ug mga interbyu, diin iyang gitawag ang Santo Papa nga “weak on crime” ug “terrible for foreign policy.”
Giingon usab nga iyang gi-link ang pagka-Amerikano sa Pope isip usa ka hinungdan sa iyang pagdumala. Buwelta sa Santo Papa, iyang gipahayag nga wala siya nahadlok sa administrasyon ni Trump ug magpadayon siya sa pagpamulong alang sa kalinaw. Giingon niya nga ang iyang baroganan nakabase sa mensahe sa Ebanghelyo isip tigpasiugda sa kalinaw.
Sa kasamtangan, gipatin-aw sa Vatican City nga ang papel niini dili parehas sa mga politiko sa foreign policy, kondili nakatutok sa moral nga panawagan batok sa gubat. Dugang pa niini, gi-report usab nga giwala na ang usa ka social media post nga nagpakita kang Trump nga gikumpara kay Jesus, nga giangkon niya nga lahi ang buot pasabot.
