DAVAO CITY – Nagtuo ang kapulisan sa Bansalan nga adunay mga dautan nga tawo nga adunay dautan nga tumong ang nagsamok-samok sa mga bakwit nga temporaryong anaa sa ilang mga tent ug dili sumala pa kini mga wak-wak o sigbin.
Kahinumduman nga nahimong hisgutanan na sab karon sa mga bakwit ang gikanayong “tikbalang” nga nakita sumala ka sa mga residente sa Barangay New Cebu sakop sa Bansalan Davao del Sur.
Nabalaka sumala pa ang mga bakwit gumikan kay nag-alingasa ang ilang mga iro human nga nakita ang paspas nga pagdagan sa tikbalang.
Apan nagtuo ang mga lumulopyo sa lugar nga ang gikanayong “tikbalang” plano sumala pa nga mangawat ug motor sa maong area.
Tungod niini, gipahimangnoan sa kapulisan ang mga residente sa lugar batok sa mga grupo sa kriminal nga posibleng manghadlok lamang arong makapahimulos sa ilang dautan nga plano.
