DAVAO CITY – Karon pa lang gipahimangnoan na sa Davao City Transport and Traffic Management Office (CTTMO) ang mga vendors nga mamaligya gawas sa mga sementeryo atol sa All Saints’ Day ug All Souls’ Day sa November 1 ug 2 nga motamud sa mga polisiya sa siyudad ug dili babagan ang mga sidewalks nga agi-an sa mga tawo.
Sumala pa kang CTTMO representative Joel Santos hugtanon nila nga imonitor ang tanan nga mga sidewalks sa 35 ka mga sementeryo kalakip na niini ang 16 ka mga large cemeteries sa siyudad dungan sa paghinumdom sa Undas.
Laoman sumala pa ang huot nga dagan sa trapiko ilabi na sa Fr. Selga (Wireless Cemetery ug San Pedro Memorial), Davao Memorial Park, ug Buhangin Memorial Park.
Angayan sumala pa nga motamud ang mga vendors sa two-third, one-third policy sa mga kadalanan sa dakbayan.
Kabahin sumala pa kini sa ilang mandato aron nga masiguro nga hapsay ang mga sidewalks sa bisan unsa man nga obstruction.
Gitataw sab sa CTTMO nga nagapahigayon sila ingon man ang City Engineer’s Office, ug Ancillary Services Unit ug pagkumpiska ingon man demolisyon sa mga babag sa kadalanan sa siyudad kini pinasikad sa mipatigbabaw nga balaod.
