Nanghatag og sports equipment ang Aktibo Dabawenyo Program – School for Sports ngadto sa upat ka participating schools isip kabahin sa padayong grassroots sports development program sa Davao City.
Lakip sa nakadawat ang Tacunan Elementary School, Lapu-Lapu Elementary School, Catalunan Grande Elementary School ug Marilog National High School.
Gipaabot nga gamiton ang mga kagamitan sa regular training sessions aron mas mapalambo ang skills, discipline ug performance sa mga student-athletes.
Dugang pa, gitumong sa programa nga mas daghang kabataan ang maengganyo sa sports ug mahatagan og oportunidad nga ma-develop ang ilang potensyal gikan pa sa school level.
Lakip usab sa tumong sa Aktibo Dabawenyo ang pagpalig-on sa sports participation sa mga eskwelahan ug paghatag og mas maayong access sa basic training equipment.
Sa pagkakaron, padayon ang City Government sa pagpalapad sa grassroots sports programs aron masuportahan ang mga batang atleta ug mapadayon ang regular nga sports activities sa nagkalain-laing public schools sa dakbayan.| VIA BOMBO EROS PAJOTA
