Gihiusa sa Department of Social Welfare and Development (DSWD) Field Office XI ang mga LGU, beneficiary associations ug partner agencies sa dialogue aron mapadayon ang mga proyekto ubos sa Risk Resiliency Program–Climate Change Adaptation and Mitigation (RRP-CCAM).
Gipahigayon ang Stakeholders Engagement and LGU Performance Dialogue niadtong Oktubre 8, 2026, sa Malita, Davao Occidental, nga gitambongan sa mga representante sa Malita, Santa Maria ug Don Marcelino.
Gipakigbahin sa matag LGU ang mga nahimo, problema sa pagpatuman ug mga lakang nga ilang giplano. Gi-orient usab ang mga partisipante sa Qualitative Performance Assessment Tool aron masusi ang kalampusan sa proyekto, matala ang mga hagit ug mailhan ang angay pang pauswagon.
Atol sa convergence forum, gipresentar sa Department of Science and Technology, Philippine Crop Insurance Corporation, Bureau of Fisheries and Aquatic Resources ug National Irrigation Administration ang ilang mga programa ug serbisyo nga mahimong ikonektar sa mga proyekto.
Gipasiugda sa sustainability workshop nga may temang “Atong Proyekto, Atong Padayon” ang papel sa mga beneficiary association ug lokal nga partners sa pagmentinar sa mga nahimo sa Project LAWA at BINHI.
Pinaagi sa maong panagtigom, gipalig-on sa DSWD XI ug mga kaabag ang koordinasyon ug teknikal nga suporta aron mapadayon ang mga inisyatiba ug matabangan ang mga komunidad nga maandam sa epekto sa climate change.
