DAVAO REGION- Gilimod ni PRO XI Regional Director PBGen. Nicholas Torre III, ang nahimong report sa pagpangulata sumala pa batok sa mga residente sa Tamayong, Calinan District Davao City sa myembro sa PNP kagahapong adlawa.
Matud ni General Torre nga ang presensya sa kapulisan gahapong adlawa sa Tamayong mao ang mahitungod sa pag serve sa arrest warrant batok kang Kapitan nga si Cresente Canada kung asa nakita sumala pa sa intel sa kapulisan ang maong pugante sa nasampit lugar.
Apan pagpaklaro niini nga kung aduna ma’y nahitabong pagpangulata mamahimo kini sumala pa nga mudangop ingon man, mupasaka og reklamo batok sa kapulisan og sila andam moatubang sa bisan unsa nga ipasakang kaso batok sa mga personahe niini.
Dugang pa sa opisyal nga ang mga personahe sa kapulisan ang gipailawom sa pagbansay aron nga makigsangka sa mga personalidad o mga grupo nga adunay kalapasan sa balaod ug dili aron nga mangulata sa bisag si kinsa lamang.
Dako usab ang pagtoo sa nahisgutan nga walay susamang panghitabo kagahapon sa Tamayong.
Sa pikas bahin, napakyas ang kapulisan gahapahon sa pag aresto kang Cresente Canada tungod nakasibat sumala pa ayha miabot ang grupo sa kapulisan apan positibo gihapon si General Torre nga madakpan ang nahisgutan lakip na usab ang mga kaubanan niini.
