Taliwala sa kakulangon sa mga classroom, nanawagan si Senador Bam Aquino nga dugangan pa ang pondo alang sa Department of Education o DepEd sa 2027.
Matod ni Aquino, kinahanglan ibalik sa upat ka porsiyento sa gross domestic product o GDP, o labaw pa niini, ang pondo nga gigahin sa nasud alang sa edukasyon.
Dugang pa niini, kulang pa ang kasamtangang alokasyon tungod sa daghang panginahanglan sa sektor sa edukasyon nga angay tutokan.
Lakip niini ang pagkunhod sa pondo alang sa school feeding program ug ang panginahanglan nga palig-onon ang kaluwasan sa mga eskwelahan.
Gikuwestiyon ni Aquino ang dakong pagkunhod sa pondo sa school feeding program, gikan sa P27 bilyon niadtong 2026 ngadto sa P11 bilyon sa gisugyot nga badyet alang sa 2027.
Matod sa senador, kinahanglan nga maandaman ang dugang nga pondo alang sa gisugyot nga pagpalapad sa libreng pagkaon para sa mga estudyante gikan sa Kindergarten hangtod Grade 3.
Lakip usab niini ang plano nga ipataas ang kantidad sa matag pagkaon gikan sa P25 ngadto sa P35.
Gikanayon usab ni Aquino ang panginahanglan nga hugot nga ipatuman ang P68-bilyon nga Classroom Acceleration Program, nga nagtumong sa pagsulbad sa kakulangon sa mga classroom.
Matod pa sa senador, kinahanglan usab nga masiguro ang igo nga pondo alang sa mga programa nga direktang makabenepisyo sa mga estudyante, mga magtutudlo, ug sa tanang kawani nga nagserbisyo sa sektor sa edukasyon.
