Gipanghimakak ni Ombudsman Boying Remulla ang alegasyon nga adunay politikal nga pagpanglutos sa ginahimong imbestigasyon kang Senador Loren Legarda ug Batangas 1st District Representative Leandro Leviste.
Matod ni Remulla, klaro ang posibleng conflict of interest nga nalambigit sa duha ka magbabalaod kalabot sa isyu sa pagbaligya sa kompanya ug uban pang mga butang.
Gibutyag usab sa Ombudsman nga dili angay ilarawan nga politikal ang maong kaso, tungod kay wala lamang sila nag-imbento og mga alegasyon.
Kahinumdom nga nalambigit si Legarda ug Leviste sa mga isyu nga naglibot sa solar energy company ni Leviste, nga giingong napakyas sa pagtuman sa mga obligasyon niini sa solar energy alang sa Pilipinas subay sa prangkisang nakuha niini.
Samtang nag-atubang sa maong mga alegasyon, nagpabilin pa sa gawas sa nasud ang duha ka magbabalaod.
Si Leviste, ang iyang pahibalo sa Kamara alang lamang sa iyang pagkawala hangtod niadtong Septiyembre 24.
Samtang si Senador Legarda, pipila na ka higayon nga nagpalugway sa iyang medical leave sa Senado sukad sa iyang pagbiya sa Pilipinas niadtong Agosto.
