DAVAO CITY- Gilimod sa Police Regional Office 11 (PRO 11) ang usa ka report nga adunay duha ka batalyon sa Special Action Forces (SAF) dinhi sa dakbayan.
Ang maong report miguwa human sa pagtanggal sa 35 ka mga sakop sa kapulisan sa Davao City Police Office (DCPO) niadtong Mayo 24.
Sumala pa ni PMaj. Catherine Dela Rey, ang tigpamaba sa PRO 11 nga dugay na sumala pa ang SAF sa Davao Region sa wala pa milingkod si PRO 11 Regional Director nga si Brigadier General Aligre Martinez.
Dugang pa sa opisyal nga bisan sa nakalabay nga mga katuigan ang Special Action force dugay na nga ginapadala dinhi sa syudad ilabi pa kung adunay mga dagkong kalihukan isip dugang personahe.
Gipaklaro sab niini nga ang elite force sa PNP, bisan asa kini ginapadala sa tibuok nasud ilabi ug gikinahanglan ang ilang pwersa nga nahisubay sumala pa sa ilahang mandatu ug gipaklaro nga dili lamang dinhi sa dakbayan kini sila gipadala.
Samtang gikanayon sab ni DCPO acting city director Col. Rolindo Suguilon nga walay kamatuoran ang reports nga ang pagpadala sa SAF dinhi sa dakbayan ang pagpangandam aron sa pagdakop kang Kingdom of Jesus Christ (KOJC) Founder Pastor Apollo Quiboloy ingon man ang pagpuli sumala pa sa mga natanggal nga mga personahe sa Davao City Police Office.
Giklaro ni Col. Suguilon nga kini walay pruweba ug kini mga buhat-buhat lamang.
