Giklaro sa spokesperson sa Senate Impeachment Court nga si Atty. Regie Tongol ang rason nganong wala makapagawas og subpoena si Presiding Officer Chiz Escudero alang kang kanhing senador Antonio Trillanes IV.
Matud ni Tongol, usa na lamang ka adlaw ang nahabilin sa wala pa ang pagtestigo ni Trillanes, busa dili na mahimo ni Escudero ang pag-isyu sa subpoena.
Gipasiugda niya nga walay obstruction sa impeachment court tungod kay andam ang korte nga paminawon ang testimonya sa kanhing senador.
Gibutyag ni Tongol nga unta nahisgutan na ang ngalan ni Trillanes niadtong Lunes, Septiyembre 28, kon gusto sa prosecution nga ipatawag siya isip saksi.
Samtang, gikuwestyon kaniadto ni Trillanes ang kapakyasan sa korte sa pagpagawas og subpoena alang sa iyang nakaeskedyul nga pag-atubang niadtong Septiyembre 30.
Gipadayag ni Trillanes nga si Senate President Win Gatchalian unta ang mahimong presiding officer sa impeachment trial batok kang Vice President Sara Duterte.
Matud ni Trillanes, mas gikinahanglan ang usa ka presiding officer nga bukas ang panghunahuna ug nagtinguha nga mahibal-an ang kamatuoran, imbes nga magdala sa panghunahuna sa abogado.
Gipahayag niya kini atol sa press conference niadtong Biyernes, Oktubre 2.
