Gipahinumdoman sa Department of Labor and Employment ang mga gagmayng negosyante nga mahimo silang mangayo og exemption sa wage increase kung kwalipikado sila ubos sa mga kondisyon.
Mahimong mo-apply ang gagmayng retail ug service establishments nga adunay dili molapas sa 10 ka empleyado, ingon man ang mga negosyo nga naapektuhan sa natural calamities o human-induced disasters.
Adunay 75 ka adlaw ang mga employer nga makapasa sa ilang aplikasyon alang sa exemption gikan sa pagkaepektibo sa wage order.
Isumite ang maong aplikasyon ngadto sa Regional Wage and Productivity Boards pinaagi sa mga regional offices sa DOLE aron masusi ang ilang eligibility.
Lakip usab sa wala masakop sa Minimum Wage Law ang mga rehistradong Barangay Micro Business Enterprises o BMBEs nga adunay total assets nga dili molapas sa P₱ milyon, subay sa Section 8 sa maong balaod.
Ang exemption dili awtomatikong ihatag sa tanang gagmayng negosyo tungod kay kinahanglan pa kining masusi ug maaprobahan sa tukmang ahensya.
Samtang, kinahanglan nang ipatuman sa employer ang bag-ong wage order kung dili dawaton sa DOLE ang ilang aplikasyon alang sa exemption.
Nagpabilin ang pahimangno sa DOLE nga sundon sa mga employer ang mga lagda sa wage order aron malikayan ang paglapas sa labor standards ug uban pang silot.
