DAVAO CITY – Pagatutukan sab sa Police Regional Office 11 ang posibleng mga kakuwangon sa security forces nga nagresulta sa pagkadisgrasya sa 18 anyos nga si Gerald Tayag atol sa natigayong Ironman 70.3 kaniadtong adlawng Dominggo.
Atol sa launching sa Oplan Kilos kagahapon, gikanayon ni PRO 11 Regional Director Police Brigadier General Alden Delvo nga makighinabi ang kapulisan sa mga organizers sa maong triathlon event.
Naglaom sab ang opisyal alang sa hinanaling recovery sa maong ulitawo. Dugang pa, nahimong malampuson ang gipasibaw nga taas nga seguridad atol sa maong event.
Kahumindumang gikumpirma sa inahan ni Tayag ang iyang kritikal nga kahimtang human siya nabangaan sa usa ka partisipante sa dihang gikuha lamang ang tumbler nga naglaray sa dalan.
Gikanayon sab ni Davao City Police Office chief Col. Alberto Lupaz nga walay natalang crimes o untowards incidents sa adlaw sa karera bisan pa man sa mga dili kotroladong sitwasyon.
Pagbana-bana sa kapulisan, miabot na 20,000 ang ihap sa mga katawhan nga nitan-aw sa maong kalihukan.
via | Bombo LJF
