Gipadayon sa Philippine Coast Guard o PCG ang search and rescue operation alang sa walo ka pasahero nga nawala human sa insidente nga nalambigit ang M/V June Aster sa kadagatan sa Coron, Palawan.
Gipangkaylap sa mga personnel sa Coast Guard District Palawan ang pagpangita gikan sa palibot sa Calanhayaun Island hangtod sa mga kasikbit nga baybayon, gamit ang mga patrol vessel, rubber boat ug uban pang kagamitan.
Lakip sa operasyon ang maritime ug shoreline patrols, samtang nagpakawala usab ang PCG og mga drone aron masusi gikan sa ibabaw ang mga posibleng lugar nga mahimong maabtan sa mga search team.
Mitambong usab sa operasyon ang mga personnel sa Disaster Response Group, Special Operations Group ug Marine Environmental Protection–Northeastern Palawan, uban sa BRP Suluan.
