Gikalipay sa mga residente sa nagkadaiyang barangay sa Babak District, Island Garden City of Samal o IGACOS ang libreng medical ug libreng medical atol sa community outreach program nga gipahigayon sa Babak Multi-Purpose Gymnasium.
Gihatagan og libreng konsultasyon ug dental services ang mga Samalenyo isip kabahin sa maong outreach program, nga nagtumong sa paghatag og mas dali ug libre nga access sa serbisyong panglawas alang sa komunidad.
Gipangulohan sa LGU, BDO Network Bank ug SM Foundation ang paghatag sa mga serbisyo, diin gitutokan ang mga residente nga nanginahanglan og medical ug dental assistance.
Giapilan usab sa programa ang pag-apod-apod og libreng mga tambal ug uban pang health-related assistance alang sa mga benepisyaryo. Naghatag usab kini og oportunidad sa mga residente nga makapakonsulta ug makadawat og basic health services nga dili na kinahanglan mogasto alang sa konsultasyon ug mga tambal.
Sa pagkakaron, padayon ang mga partner nga organisasyon sa pagpalapad sa ilang mga community outreach program aron mas maabot ang mga residente nga nanginahanglan og tabang, ilabina sa mga komunidad nga layo sa mga pasilidad panglawas.
