DAVAO CITY – Gikasugyot ang usa ka Presidential library alang kang kanhi Presidente Rodrigo Duterte diri sa Davao City. Gikanayon ni Davao City Vice Mayor Melchor Quitain Jr. nga mamahimong landmark kini alang sa dakbayan nga makaaghat sab ug daghang turista.
Mahisusama sab kini sa laing nasud nga adunay Presidential library alang sa matag presidente nga nagsilbi kaniadto. Matud pa, mamahimo kining dagkong dungog ngadto sa kanhi Pangulong Digong nga pinaka-labing unang chief of state nga Dabawenyo ug Mindanaoan.
Tumong sa maong gambalay nga maipakita ang iyang kinabuhi ug kontribusyon isip lider sa nasud.
Haum sab kini alang sa mga musunod nga henerasyon nga buot makahigayon sa pagpanuki-duki mahitungod sa Davao City ug sa kinabuhi sa kanhi pangulo.
Nag-anam anam na sab sila ug pangolekta ug mga gamit ni Digong nga gikatakdang i-display sa mismong gambalay samtang gilauman sab nga itukod kini sulod sa Peoples’ Park, ning dakbayan.
via || Bombo LJ Florendo
