Nipadayag si Senate President Sherwin Gatchalian nga magpadayon gihapon ang impeachment trial batok kang Vice President Sara Duterte samtang aduna’y quorum ang senate impeachment court, bisan pa kung dili motambong ang iyang defense team.
Pagpasabot ni Gatchalian nga usa ka opsyon sa depensa ang pagtambong o paglihay sa mosunod nga pagdungog, apan kinahanglang tapuson sa impeachment court ang nasugdang proseso. Miguwa ang maong pamahayag human gibutyag ni defense counsel Sheila Sison nga ang bisan unsang partisipasyon sa ilang grupo sugod sa Setyembre 28,2026 pagahimoon na pamaagig ad cautelam o “for caution,” “with caution,” o “as a precautionary measure,” alang ra sa pagpanalipod sa ilang mga legal nga katungod.
Giilala usab sa lider sa Senado nga posibleng mopasaka og petisyon alang sa Temporary Restraining Order (TRO) ang depensa sa Korte Suprema aron temporaryong ihunong ang impeachment trial samtang gihagit ang bag-ong ruling bahin sa voting threshold.
